खपरी (सिलोदा) मं 13 जनवरी ला होही मंडई–मेला, ‘लहर गंगा’ देही छत्तीसगढ़ी संस्कृति के रंग
दुर्ग।दुर्ग जिला के नजदीक बसे ग्राम खपरी (सिलोदा) मं समस्त ग्रामवासी मन के संयुक्त आयोजन ले 13 जनवरी 2026, मंगलवार ला पारंपरिक मंडई–मेला महोत्सव बड़े धूमधाम ले मनाए जाही। ए दिन गांव भर मं उत्सव के माहौल बन जाही।मंडई–मेला के अवसर मं रात के समय छत्तीसगढ़ी सांस्कृतिक कार्यक्रम के शानदार आयोजन रखे गे हवय।
एह कार्यक्रम मं प्रसिद्ध छत्तीसगढ़ी लोक कला मंच ‘लहर गंगा’ के कलाकार मन लोकगीत, लोकनृत्य अउ पारंपरिक सांस्कृतिक प्रस्तुति देही, जेन ले दर्शक मन झूम उठही।ए आयोजन के जानकारी ग्राम खपरी (सिलोदा) के पूर्व सरपंच नारायण साहू देन। उन्होंने बताइन के मंडई–मेला के मुख्य उद्देश्य गांव के परंपरा, लोक संस्कृति अउ लोककला ला बचाए रखना अउ नवा पीढ़ी ला अपन सांस्कृतिक जड़ ले जोड़ना आय।
मंडई–मेला महोत्सव गांव मं आपसी भाईचारा, खुशी अउ सांस्कृतिक एकता के प्रतीक बनके सामने आथे।
ए आयोजन ले पूरा इलाका मं उत्सव के रंग छा जाही अउ ग्रामवासी मन मं खास उत्साह देखे जाही।
