दुरुग़ भाजपा कार्यालय मं आज दुरुग़ के दुलरवा केबिनेट मंत्री गजेंद्र यादव के भव्य अभिनंदन समारोह कराए गीस।
पूरा जिला अऊ परदेश मं राजनैतिक अऊ सामाजिक उत्साह के माहौल दिखत हावे। प्रदेश के यशस्वी मुख्यमंत्री मा. विष्णुदेव साय जी के सरकार मं दुरुग़ शहर के दुलरवा विधायक गजेंद्र यादव ला केबिनेट मंत्री बनाए गेय हावे, ओकर अभिनंदन बर आज भव्य समारोह रखे गीस।
ए आयोजन मं भाजपा दुर्ग जिला अध्यक्ष सुरेंद्र कौशिक, दुर्ग ग्रामीण विधायक ललित चंद्राकर, अहिवारा विधायक राजमहंत डोमन लाल कोर्सेवाडा, दुर्ग महापौर अलका बाघमार सहित कुम्हारी, अमलेश्वर, पाटन अऊ दुर्ग जिला के सब्बो भाजपा मंडल के नेता मन अपन उपस्थिति देवत रहिन।
ए अवसर मं जिला के सब्बो वरिष्ठ नेता, पदाधिकारी, जनप्रतिनिधि अऊ कार्यकर्ता मन भारी संख्या मं सामिल होएं। पूरा संगठन मं हर्ष अऊ उल्लास के वातावरण रहे।जिला भाजपा अध्यक्ष सुरेंद्र कौशिक जनमन ला कहिन कि भारी संख्या मं उपस्थिति देवव अऊ ए गरिमामयी कार्यक्रम ला सफल बनावव।
उंकर कहना हवे – “दुर्ग बर ए गर्व के घड़ी आय, जब हमर दुलरवा विधायक ला प्रदेश सरकार मं मंत्री पद जइसने महत्व वाला जिम्मेदारी मिलिस।”
